這一篇，dedicate to 邱廷輝 (還有他身旁的那一位她)。
其實我好怕放大自己的feeling，然後招人口舌，那怕只是一句「挑，有無咁誇呀？」。
OK，我承認，昨晚宵夜之後我就開始盤算，到底怎樣寫這一個月來的感受呢？但我思前想後搜索枯腸也無補於事，所以，只能夠像當晚在地鐵裡 (扮) 鎮定的坐在李鎮洲隔離，說些無聊的東西，然後說「其實我好喜歡看你的戲」。
我諗左好耐，都係諗唔到個經濟的方法，可以又型又簡略的多謝你。
你的說話，我統統都記得，那怕只是一句「登登登登，登登登登」，因為我儲埋這一個月的提點，慢慢用，久不久樔返出來，一係笑死一係諗返自己，任何一樣都好。
面對著你，令我好 Alert，因為你會無啦啦彈出來，然後話「Kenny 你要狠ｄ，放呢個字對你來講唔夠，應該係狠ｄ」，因為我知道你真的想我明白和進步。
「只能夠話係緣份啦，如果唔係我都唔知係咩喇。」你這樣說我們一班同學，我都這樣說我跟你和她和 [xxxx] file 仝人。
好啦，我最怕兜口兜面講的說話，係呢度講啦。
謝謝您，邱輝，你是我遇過最親切的老師，和朋友，將來有甚麼事都好，不論幫忙還是吹水，我都會出盡飲奶力奉陪，講得出做得到。
好，以下節錄，純為紀念，絕無嘲笑成份
邱輝：「其實每種心態都有好有唔好，你就係成日凝住有好多野未學，睇到定哂先去做......」
她 (拍拍心口)：「係呀，我都係咁架，所以呢，好野來架。」
邱輝：「不過隨著你既成長呀，個人經歷呀，經驗呀；當你遇上既唔再全部係前輩，反為多ｄ平輩甚至後輩，你ｄ信心就會慢慢來......」
她 (又拍拍心口)：「不過唔一定架，我到而家都係咁架。」
我：「......下......即係......？」
邱輝：「唔係話叫你囂張呀果ｄ，係要做到 (突然大聲) 不．卑．不．亢，咁你就掂喇。」
她 (今次，拍拍我大髀)：「係呀，俾ｄ信心自己，做下做下得架喇！。」
節錄於2010年11月29日晚上六時許於牛池灣街市某麵檔
又係時候繼續上路。
沒有留言:
張貼留言